PAPIAMENTU - Vakatura Planifikadó di Instalashon

Kiko bo ke hasi?

Bo ke dal un paso mas altu, un reto nobo? Bo ta un mekániko ku eksperiensia i bo ke dal un paso pa drenta den ofisina? Of bo tin eksperensia kaba komo planifikadó i bo ke traha pa e mihó proveedor di energia di mas grandi na Hulanda? Solisita awor aki mes!

Pa Essent nos ta buskando un planifikadó. E trabounan ta konsistí di apoyá preparashon, planifikashon i ehekushon di proyektonan chikitu di trabounan di instalashon konforme akuerdonan realisá ku e lider di proyekto.

E trabou ta konsistí di:

• Kalkulá futuro proyekto- i trabounan;
• Preparashon di trabounan pa proyektonan/trabounan utilisando e sistema ERP (4PS);
• Hasi pedido na tempu i korekto di e materialnan nesesario i monitoriá e tempu di entrega;
• Planifiká i desplegá e kapasidat nesesario, inkluso koordinashon ku klientenan/residentenan, pa un proyekto ku por funshoná sin problema;
• Avanse, ehekushon i supervishon di proyektonan;
• Fasilitá informashon pa e konsulta di e kadena i/òf konsulta di e proyekto;
• Fasilitá sosten tékniko;
• Organisá i monitoriá avanse i kontinuidat di e implementashon.

Unda bo ta bai traha?

Essent ta ofresé un klima interior komfortabel, duradero i sigur. E klientenan ta konsumidornan, merkado komersial i instansiana di gobièrnu, kende ta haña yudansa pa nan transishon di energia personalmente. Asesoramentu konfiabel i inteligente for di orientashon di e produkto i kumpramentu, te na instalashon i kuido despues, esakinan ta fundamental pa e empresa. Nos ta aktua di forma proaktivo i nos ta keda serka, ya ku nos ta asosiá nos mes ku pashon pa e kliente.

Pa Essent, konfiabilidat, profeshonalidat i komodidat ta primordial.

Kiko nos ta pidi?

• Edukashon tékniko kompletá na nivel di MBO4, komplementá ku kursonan orientá riba funshon; (bo por pasa e kursonan aki tambe via Demt-Flex)
• Diploma VOL-VCA;
• 4-5 aña di eksperiensia ku prosesonan tékniko relevante;
• Método eksakto di trabou;
• Konosementu di e organisashon (di e proyekto);
• Orientashon na e kliente i komportashon orientá pa e servisio;
• Ta kapas pa tradusí e nesesidatnan di e klientenan: solisitut di e klientenan den aktividatnan pa mehorá prosesonan (tékniko)
• Resistente na strès

Kiko nos ta ofresé?

• Kondishonnan laboral primario i sekundario atraktivo;
• Kurso i trainingnan duna pa Demt-Flex
• Por konta riba trabou agradabel i variá den un ambiente di trabou atraktivo;
• Posibilidat pa krese i kontinuidat den trabou.
• Trabou pa largu tempu
• Ku posibildat pa haña un kontrakt permanente.